Бүген 20:00 сәгатьтә Татарстанның халык артисты, Россиянең атказанган артисты Мирсәит Сөнгатуллин “Instagram” социаль челтәрендә туры эфирда чыгыш ясаячак. Бу хакта “Алькеевское Землячество” төркеме хәбәр итә.

Мирсәит әфәнде барыбыз да яраткан татар халык җырларын башкарачак.

Шулай ук “Артистка иң кызыклы сорау” конкурсы дәвам итә. “Instagram”да урнашкан пост астында Мирсәит Сөнгатуллинга сораулар калдырып була. Иң кызыклы сорау бирүчене Әлки районы “Якташлык” җәмгыятеннән бүләк көтә!