Ульяновскида хезмәт бурычларын үтәгәндә геройларча һәлак булган Эльвир Якупов һәм хокук саклау органнары хезмәткәрләре истәлегенә дзюдо буенча традицион турнир узды.

Ульяновск өлкә УВДсының CОБР оперуполномоченные, милиция өлкән лейтенанты Эльвир Якупов 2000 елның январенда Чечня Республикасы территориясендә боевиклар тоткарлаган заложникларны коткару буенча махсус операция вакытында, батырлык һәм югары профессиональлелек сыйфатлары күрсәтеп, геройларча һәлак була.

Хәзер инде традициягә кергән ярышлар единоборстволар спорт сараенда узды. Анда Ульяновск, Самара, Пенза өлкәләре, Удмуртия Республикасы спортчылары катнашты. Җиңүчене өч татамидагы тугыз үлчәү категориясендә билгеләделәр.

Чыганак: emet73.ru