Әстерхан төбәк иҗтимагый оешмасы — «Дуслык» татар милли мәдәнияте җәмгыяте рәисе Әнвәр Алмаев һәм «Бергә спорт өчен» Әстерхан төбәк иҗтимагый оешмасы рәисе Рафик Калинкин Россия Герое Азамат Тасимов исемендәге Киләче урта мәктәбе укучыларына матур футбол формалары бүләк итте.

Футбол формасы коллективның бердәмлеге символына әвереләчәк, командага һөнәри яктан үсәргә һәм төрле дәрәҗәдәге ярышларда ышанычлы чыгыш ясарга мөмкинлек бирәчәк.

Балалар өлкәннәрнең ышанычын аклау һәм районның һәм өлкәнең спорт мәйданчыкларында мәктәп данын яклау өчен күп көч куярга вәгъдә бирде.

Хәзер команда алдында яңа офыклар ачылды, алда якты спорт казанышлары көтә!