Бүген, 15 октябрь, Әлмәт районында Бөтендөнья татар конгрессы региональ «Ак калфак» татар хатын-кызлары иҗтимагый оешмасының «Хатын-кыз – тормыш чишмәсе» исеме астында күчмә утырышы башланды.Чара кысаларында утырышта катнашучылар «Ризаэддин Фәхреддин. Мәшһүр хатыннар» китабы буенча укучылар конференциясендә катнаштылар.

Биредә Бөтендөнья татар хатын-кызлары оешмалары җитәкчесе, региональ «Ак калфак» татар хатын-кызлары иҗтимагый оешмасы рәисе Кадрия Идрисова чыгыш ясады.

-Бүген без сезнең белән Әлмәт шәһәренә Ризаэддин Фәхреддин әзләре буйлап килдек. Ризаэддин Фәхреддин – якты юл яручы, безнең мәшһүр хатын-кызларыбыз турында язып калучы. Һәр кешенең юлында юнәлеш биреп җибәрүчеләр була. Ризаэддин Фәхреддиннең дә шундый кешеләре булган. – дип башлады чыгышын Кадрия Раесовна. Алга таба ул дин белгеченең тормышы, иҗади эшчәнлеге, шулай ук тәрбия һәм гореф-гадәтләр турында сөйләде.