10-16 октябрьдә Казанга Финляндиядән милләттәшләребезнең балалары киләчәк. Унбер мәктәп укучысы һәм сәяхәттә аларга күз-колак булачак 8 олырак кешеләр Татарстан, аның башкаласындагы кызыклы, тарихи урыннар белән танышачак, татар гаиләләрендә яшәп мондагы тормышны “эчтән” күреп китәчәкләр.

Сәяхәт программасында Бөтендөнья татар конгрессында очрашу да каралган. Бу чара 12 октябрьдә булачак.