Мари Эл Республикасы башкаласы  Йошкар- Ола шәһәрендә,  халкыбызның мирасына игътибарны арттыруда зур чара булып торган “Гасырлар авазы” төбәкара татар фольклор фестиваль-бәйгесе булып узды. Чарага халык авыз иҗатын яратучылар Марий Эл,  Татарстан, Нижний Новгород, Чувашия  һәм башка өлкәләрдән килгәннәр иде. Әлеге милли бәйрәмгә җыелган тамашачыга Бөтендөнья татар конгрессы  котлавын Алмаз Нургалиев җиткерде һәм  җирлектәге активистларга конгрессның рәхмәт хатларын тапшырды.