Кандра авылының “Хәзинә” ветераннар җыр ансамбле “Туган тел” каналында чыгып килүче “Ихлас-Балкыш” тапшыруына төште.
«Хәзинә»-ләр җыр-моңнары, иҗат җимешләре белән бүлеште, һәрбер чыгыш өчен әзерләнгән кул эшләре: калфак-түшлекләр, беләзек-алкалар, мәрҗән-муенсалар күргәзмәсе белән таныштырды.
Ансамбль җитәкчесе Зимфира Әхмәдиева 10 ел дәверендә иҗат юлында очраган каршылыклар, шатлык-кичерешләр, ирешкән уңышлар турында сөйләде. Зимфира Минзэл кызы әйтүенчә, ансамбльнең һәрбер әгъзасы – үзе хәзинә. Талантлы, татар моңына гашыйк апаларның барысын да халкыбыз иҗатына сөю берләштерә.
