Бөтендөнья «Татарча диктант» акциясе быел Татарстанда һәм илнең башка төбәкләрендә 13, 14 һәм 15 октябрьдә уза. ХМАО-Юграның Урай шәһәрендә “Татарча диктант” яздылар.

Акцияне Бөтендөнья татар яшьләре форумы, Бөтендөнья татар конгрессы Башкарма комитеты, ТР Яшьләр эшләре министрлыгы, КФУның Филология һәм мәдәниятара коммуникация институты оештыра. Онлайн-форматта үз белемен тикшерергә теләүчеләргә сайттагы шәхси кабинетка керергә, текстны тыңларга һәм биремне үтәргә кирәк. Соңрак шунда ук нәтиҗәләр белән дә танышып булачак.