Якын көннәрдә Габдулла Тукай исемендәге Татар дәүләт филармониясендә Русиянең һәм Татарстанның халык артисты, легендар җырчы Илһам Шакировның 90 еллыгына багышланган концерт һәм аның исемендәге премия тапшыру тантанасы узды.

Быел бу премия Татарстанның халык артистлары Зилә Сөнгатуллина, Зәйнәб Фәхретдинова, Татарстанның атказанган артисты Артур Исламовка тапшырылды.

Шулай ук Илеш районы егете, Башкортстанның атказанган мәдәният хезмәткәре Илшат Сибәгатуллин Илһам Шакиров исемендәге III Республика премиясе лауреаты булды.