Бүген, 9 октябрь, Казанда VII Бөтенроссия татар журналистлары форумы башланды. Форумны Бөтендөнья татар конгрессы “Татмедиа” Республика матбугат һәм массакүләм коммуникацияләр агентлыгы белән берлектә уздыра. Казанга 19 регионннан 50гә якын каләм ияләре килде.
Делегатларны Татарстан мәгариф һәм фән министры Илсур Һадиуллин сәламләде. Ул журналист һөнәренең зур ролен билгеләп үтте һәм форумда катнашучыларның барысына да эшчәнлекләрендә уңышлар теләде.
