Җәй бәйрәмнәргә бай чор. Бу көннәрдә аеруча авыллар гөрләп тора. Әле менә Ирекледә дә авыл көнен билгеләп уздылар.

Бәйрәм белән котлап, район Советы аппараты җитәкчесе Айдар Хәлиуллин изге теләкләрен җиткерде, район бәйгесендә “Иң төзек авыл” номинациясендә җиңүче дипломын тапшырды. Шулай ук Ирекле авылы старостасы Далия Закирова активистларны, юбилярларны бүләкләп узды.

Бәйрәм бик күңелле узды. Башта өй борынча сөрән сугып, бүләк җыйдылар. Олысы-кечесе кызыклы уеннарда, ярышларда катнашты, биеде, җырлады. Бәйрәмне үзләренең гармун моңнары белән белән Азнакайдан Сәрия Сәгъдәтуллина, Мәсгут авылыннан Илгизәр Зиннуров бизәде.

Чыганак: aznakaevo-rt.ru