Иртәгә, 16 мартта Татарстанның Халыклар дуслыгы йортында (Казан шәһәре, Павлюхин ур., 57) XIII «Дулкыннар» балалар иҗаты бәйгесенең җиңүчеләре катнашында Гала-концерт булачак.
Бәйге ел саен танлыган, дан казанган шәхескә багышлана. Быелгысы халкыбызның мәшһүр җырчысы Әлфия Авзалова юбилеена багышланган иде. Катнашучылар 4 номинациядә көч сынашты:
- Вокал
- Нәфис сүз
- Оркестрлар һәм инструменталь ансамбльләр
- Рәсем
Гала-концертта урта гомуми белем бирү мәктәпләре һәм Казан шәһәренең, Татарстан Республикасының һәм Россия Федерациясенең башлангыч, урта һәм югары һөнәри учреждениеләре укучылары катнашачак.
