Иске Әнҗерә мәдәният йортында Пушкин картасы буенча «Татар халкының милли ашлары» дип исемләнгән этно-марафон үтте. Әлеге чарада укучылар татар халык ашларының ничек килеп чыгуы турында таныштылар, татар ризыкларына кагылышлы сорауларга һәм табышмакларга җавап бирделәр.

Шулай ук чәй табыны артында һәрвакыт яратып ашала торган коймак камырын да ясап карадылар. Соңыннан укучылар, татар халкының яратып, бик тәмле итеп пешерелә торган һәм табын күрке булып торган бәлеш белән гөбәдиядән авыз иттеләр, чәк-чәк, бавырсак, коймак белән чәй эчтеләр.

Чыганак: alki-rt.ru