IV БӨТЕНРОССИЯ «КАЗ ӨМӘСЕ» ФЕСТИВАЛЕНЕҢ НИГЕЗЛӘМӘСЕ

Әлеге нигезләмә Бөтенроссия «Каз өмәсе» фестиваленең (алга таба – Фестиваль) максатларын һәм бурычларын, оештыру тәртибен һәм шартларын билгели.

Милли рух һәм мәдәни кыйммәтләрне саклау, үстерү (Россия Федерациясенең регионнарында һәм Татарстан Республикасының районнарында, октябрь);
Фестивальнең йомгаклау өлеше (ТР Мөслим районы, Мөслим җирлеге, ноябрь);
Социаль-экономик үсешне тәэмин итүдә ярминкә-фестивальләр (ТР Казан шәһәре, декабрь).

Милләтебезнең рухи, мәдәни кыйммәтләрен саклау һәм үстерү;
Календарь бәйрәмнәрне халкыбызга кире кайтару;
Шәхси хуҗалыкларда, йолаларга таянып, традицион булган кош-корт үрчетүне тергезү;
Милли кухняны пропагандалау йөзеннән мастер-класслар оештыру;
Милләтебезне берләштерү йөзеннән халкыбызда сакланган «өмәләр традициясен» саклау һәм җәелдерү;
Технологияләр нигезендә каз-үрдәк продукциясен эшкәртү һәм яңа дизайн форматта халыкка тәкъдим итү;
Кош-корт продукциясен популярлаштыру максатыннан ярминкәләр уздыру.

Фестивальне оештыручылар:

«Бөтендөнья татар конгрессы фонды» республика иҗтимагый хәйрия фонды;
Татарстан Республикасы Мәдәният министрлыгы;
Татарстан Республикасы Мөслим муниципаль районы;
Бөтендөнья татар эшмәкәрләренә ярдәм итү ассоциациясе;
«Ак калфак» Региональ татар хатын-кызларының иҗтимагый оешмасы;
«Россиянең татар авыллары» Бөтенроссия иҗтимагый оешмасы;
Татар халык ашлары координацион Советы;
«Татар гаиләсе» Бөтенроссия иҗтимагый фонды;
Этно-, агро-, экотуризм өлкәсендә эш алып баручы тур операторлар («Идел-Урал» – Оренбург өлкәсе, «Хәзинә» – Башкортостан Республикасы);
Бөтентатар төбәк тарихын өйрәнүчеләр җәмгыяте.
Оештыру комитеты Фестивальнең Жюри составын раслый.

Каз өмәләренә багышланган видеоматериаллар, шигырь һәм җырлар, бию һәм сәхнәләштерелгән композицияләр (видео форматта җибәрү сорала);
Каздан пешерелгән татар халык ашлары (видео форматта ничек пешерелүен һәм төгәл рецептларын җибәрү сорала);
Каз мамыгыннан ястык-мендәрләр тутыру һәм матур итеп чигелеш белән тәэмин итү (фотосурәтләр һәм видео форматта җибәрү сорала);
Каз каурый һәм канатларыннан эшләнелгән халык кәсепләре эшләнмәләре (фотосурәтләр һәм видео форматта җибәрү сорала);
Каз продукцияләрен яңа дизайн форматта халыкка тәкъдим итү ысуллары (дизайнерлар бәйгесе) һәм «Үз-үземә режиссер» видеоформат конкурсы;
Яңа технологияләр нигезендә эшкәртелгән каз продукциясе конкурсы;
Күпләп каз асраучы гаилә һәм фермерларның туй казларын, тере ата һәм ана казларны милли киемгә киендерү бәйгесе.

Фестивальдә катнашырга теләк белдерүчеләр тиешле үрнәктәге анкетаны (Кушымта №2), фото- һәм видеоматериалларны (5 минуттан да артмаган) һ.б. 2024 елның 15 ноябреннән да соңга калмыйча [email protected] электрон адресына җибәрергә тиеш.
Жюри әгъзаларының карары Беркетмә белән рәсмиләштерелә һәм соңгы документ булып кала, ул яңадан каралмый һәм аңа карата шикаять бирелми.

Жюри карары нигезендә Фестиваль җиңүчеләренә Гран-при, I, II, III урыннар билгеләнә.
Гран-при, I, II, III урын яулаган Фестиваль җиңүчеләре кыйммәтле бүләкләр һәм дипломнар белән бүләкләнә.

Кушымта №2

Заявка:

Исеме, фамилиясе, әтисенең исеме	Туган көне, ае, елы	Яшәү урыны	Катнашу номинациясе	Элемтә өчен телефон номеры, электрон адресы