Бүген, 13 май көнне, “Изге Болгар җыены” чарасын әзерләү һәм үткәрү буенча оештыру комитетының күчмә киңәшмәсе узды. Киңәшмәне Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев үткәрде.
Идел буе Болгар дәүләтендә Ислам динен рәсми рәвештә кабул итү көненә багышланган “Изге Болгар Җыены” тантаналы чарасы быел 18нче майда Шәһре Болгарда узачак. Ул “Россия – Ислам дөньясы: KazanForum” XV халыкара икътисадый форумының мәдәни программасы кысаларында үтәчәк.
