Үткән атнада Сарапул шәһәрендә Ижевск “Ак калфак” хатын-кызлар оешмасы чираттагы утырышта булып кайтты. Бу очрашу ” Аулак өй” формасында узды.Очрашуда татарларның милли-мәдәни автономия рәисе Рәмзия Габбасова катнашты. “Ак калфак” оешмасы нәрсә белән шөгыльләнә, нинди чаралар уздыра, шул турыда сөйләнде. Калфак тегү буенча мастер-класс узды. Сарапул хатын-кызларын халкыбызның “Карабай” биюе, “Пешмәгән”татар халык уены белән таныштырдык.