24-26 апрельдә «Зур гастрольләр» төбәкара программасы кысаларында К.Тинчурин исемендәге Татар дәүләт драма һәм комедия театрыныңНальчик шәһәрендә зур гастрольләре узачак.

Али Шогенцуков исемендәге Кабардин дәүләт драма театрында 24 апрельдә 14.00 сәгатьтә тамашачылар «Сүнгән йолдызлар» музыкаль трагедиясен (автор – К.Тинчурин, режиссер – Р.Гарипова) күрә алачак. 25 апрельдә 11.00 һәм 13.00 сәгатьләрдә «Тылсымлы арена» әкияте (автор – Ш.Фәрхетдинов, режиссер – К.Гатауллин) тәкъдим ителәчәк. 25 апрельдә 19.00 сәгатьтә – «Ак тәүбә, кара тәүбә. Безнең көннәр» музыкаль комедиясе (автор – Т.Миңнуллин, режиссер – Р.Гарипова), 26 апрельдә 14.00 сәгатьтә «Ашина» мистик драмасы (автор – Р.Зәйдулла, режиссер – И.Казакбаев) күрсәтеләчәк.

Искәртеп узыйк, 3-5 апрельдә Казанда Тинчурин театры сәхнәсендә Али Шогенцуков исемендәге Кабардин дәүләт драма театрының зур гастрольләре узачак. 3 апрельдә 12:00 һәм 4 апрель 18:30 сәгатьтә «Все начинается с любви…» музыкаль-шигъри багышлавы (14+), 3 апрель 18:30 сәгатьтә һәм 4 апрель 12:00 сәгатьтә «Давай за жизнь» музыкаль-шигъри композициясе (14+), 5 апрельдә 17:00 сәгатьтә «Черная бурка» (12+) гыйбрәтле хикәясе тәкъдим ителәчәк.

Моннан тыш, 8-9 апрельдә К.Тинчурин исемендәге Татар дәүләт драма һәм комедия театрының Мәскәү шәһәрендә гастрольләре узачак.

Тинчуринлылар Россия башкаласында «Театр мимики и жеста» бинасында 8 апрель 19.00 сәгатьтә «Беренче мәхәббәт» комедиясен (автор – И.Гали, режиссер — Р.Заһидуллин), 9 апрель 19.00 сәгатьтә «Назлы кияү» музыкаль комедиясен (автор – К.Тинчурин, режиссер – Р.Заһидуллин) күрсәтәчәк.

Чыганак: mincult.tatarstan.ru