25 ноябрьдә Камал театрында Туфан Миңнуллин пьесасы буенча Фәрит Бикчәнтәев сәхнәләштергән “Җанкисәккәем” спектакленең 25-еллык юбилеен билгеләп үттеләр.

Тантаналы вакыйга хөрмәтенә, артистлар тамашачыларга автографлы открыткалар бүләк итте.

Тамаша алдыннан спектакльнең иҗат төркеме – режиссёр Фәрит Бикчәнтәев, композитор Азат Хөсәенов, балетмейстер Сәлимә Әминова тамашачыларны сәламләде һәм куелыш хакындагы истәлекләре белән бүлеште.