Татарстан мөселманнары корылтаенда Татарстан Республикасы мөфтие сайланды. Күпчелек тавыш җыеп, бу вазыйфага янә Камил хәзрәт Сәмигуллин билгеләнде.
Тавыш бирү Татарстан мөселманнары Диния нәзарәтенең VIII Съезды вакытында узды. Чарада 1 меңнән артык имам катнашты. «Казан-Экспо» үзәгендә җыелган дин әһелләрен Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев та сәламләде.
- Мөфти Камил хәзрәт Сәмигуллин бу вазыйфаны 2013 елның 17 апреленнән башлап алып барды. Диния нәзарәтенең 2021 елның 27 гыйнварында узган Пленумы карары белән кандидат булып Камил хәзрәт күрсәтелгән иде.
