Дөньяның кайсы тарафына юл тотсаң да татар эзләре калмаган урын юктыр. Без белмәгән, без уйламаган, хәттә күз алдына китермәгән яссылыкларда да татар эзе.

Танылган язучы, җәмәгать эшлеклесе, галим Фәүзия Бәйрамова хәбәр итүенчә, Кыргызстанның Каракол шәһәренә моннан 150 еллар элек татарлар нигез салган икән. Шәһәрдә 19 гасыр азагында төзелгән Татар мәчете, шулай ук, милләттәшләребез күмелгән Татар зираты саклана. Фәүзия ханым боларның барысын да истәлеккә дип фоторәсемгә төшереп кайткан.