“Г. Кариев театры” исеме бүген тиешле биеклеккә күтәрелде, ягъни бу сүзләр Петербург урамы 55 б адресы буенча урнашкан бинада драматург үзе теләгәнчә “алтын хәрефләр” белән уелды, дип кариевлылар шатлыклы хәбәр бүлешә.

Казан Татар яшь тамашачы театры бирегә гыйнвар аенда күченер дип көтелә. Билгеле булганча, бу бинада элек “Победа” кинотеатры, аннары Офицерлар йорты урнашкан иде.