Бүген Бөтендөнья татар конгрессы исеменнән Касыйм Йосыповны 89 яшьлек туган көне белән котладылар. Бөтендөнья татар конгрессы Башкарма комитеты җитәкчесе Данис Шакиров аңа нык сәламәтлек, күңел тынычлыгы, бәхетле озын гомер теләде һәм истәлекле бүләкләр тапшырды.
Касыйм Мөхәммәтназиф улы – татар галиме, икътисад фәннәре докторы, профессор, Россия Табигый фәннәре академиясенең хакыйкый әгъзасы, Россиянең, Татарстанның һәм Башкортстанның атказанган фән эшлеклесе.
