Татар халкы тагын бер зур шәхесен югалтты. Мәшһүр тальянчы, Татарстанның һәм Башкортстанның халык артисты Фән Гавис улы Вәлиәхмәтов бүген, 12 октябрь көнне бакыйлыкка күчте.  илаһи  моңга ия булуы белән халык күңеленә үтеп кергән Фән абый көмеш телле тальянында сыздырып, өздереп җырлавы белән мәңгелеккә хәтердә калыр. Бөтендөня татар конгрессы уздырган чараларның үзәгендә булды.  Барысы өчен дә рәхмәт. Сагынырбыз. Юксынырбыз. Урының оҗмахта булсын Фән ага.

Бөтендөнья татар конгрессы  Фән Гавис улының гайләсенең, якыннарының тирән кайгысын уртаклаша. Сабырлык тели.