Казакъстан татарлары һәм башкортлары конгрессы Рөстәм Миңнехановны ТРның Рәисе итеп сайлануы белән котлады
Казакъстан татарлары һәм башкортлары конгрессы Рөстәм Нургали улы Миңнехановны Татарстан Республикасының Рәисе итеп сайлануы белән ихлас күңелдән котлады.
Конгресс рәисе Тауфыйк Кәримов исеменнән юлланган котлау хатында Татарстан һәм татар халкына яңадан-яңа уңышлар теләнгән. «Кадерле Татарстан Республикабызга һәм туган татар халкыбызга Сезнең җитәкчелегегез белән зур уңышларга ирешү насыйп булсын», – диелә мөрәҗәгатьтә.
Шулай ук Рөстәм Миңнехановка һәм аның гаиләсенә ныклы сәламәтлек, бәхет һәм иминлек теләкләре җиткерелгән. «Яшәсен Татарстаныбыз! Яшәсен туган татар халкыбыз!» – дип тәмамлана котлау хаты.
