Казандагы “Ислам динен кабул итүнең 1000 еллыгы” исемендәге Югары мөселман мәдрәсәсендә татар телен саклау һәм үстерүгә багышланган әһәмиятле белем бирү чарасы узды — мәдрәсә шәкертләре “Татарча диктант” яздылар.
Диктантта шәкертләр катнашып, үзләренең татар телен белү дәрәҗәсен сынады. Чара укытучылар җитәкчелегендә дустанә, тырышлык һәм кызыксыну рухында узды. Шәкертләр өчен бу диктант ана телен гамәли куллануда ныгыту, язма сөйләм күнекмәләрен тикшерү һәм баету мөмкинлеге булды.
