16 августта Казан шәһәрендә күренекле композитор, Татарстан Республикасы гимны авторы Рөстәм Яхинга һәйкәл ачыла. Һәйкәлнең авторы – скульптор Асия Миңнуллина.
Вакыйга булачак урын: Казан шәһәре, Зур Кызыл урамы, 35. Тантана сәгать 11:00 да башлана.
Рәхим итегез!
Мәгълүмат өчен:
Күренекле татар композиторы Рөстәм Мөхәммәтхаҗи улы Яхин 1921 елның 16 августында Казанда туган. Рөстәм Яхин — оста пианист, тирән эчтәлекле җырлар, фортепиано өчен әсәрләр авторы, СССРның халык артисты, Г.Тукай исемендәге Дәүләт бүләге лауреаты.
