Бәйгегә барлыгы 239 җыр килде. Финалга 118 җыр узды, шуларның 19 – балалар җыры. Шунысы игътибарга лаек: конкурсантлар арасында Татарстан гына түгел, ә татарлар күпләп яши торган башка төбәкләр, шул исәптән АКШ, Италия, Швеция һәм Казахстан вәкилләре да бар.
“Быел җырлар саны әзрәк , әмма сыйфаты югарырак!” – диде проектның генераль продюсеры Рифат Фәттахов, ә жюри рәисе Рәзил Вәлиев исә : «Яшьләр бик күп, авторлар арасында да , җырчылар арасында да. Яшьләр татар җырын иҗат иткәс, җырлагач – татар халкының киләчәге бар!» – дип ассызыклады.
“Башкаручылар арасында быел профессиональ , популяр җырчылар бихисап! «- дип үз фикерен белдерде профессор Рәсим Ильясов.
Бәйгенең җиңүчеләре 5 март “Яңа татар җыры -2” конкурсның Гала – концертында билгеле булачак.
Исегезгә төшерәбез, конкурсның гомуми приз фонды – 2.300.000 сум. Оештыручылар әйтүенчә, быелгы Гала-концерт масштабы буенча узган елгы тамашаны да уздырачак.
