Бу хакта бүген Татарстан Президенты Рөстәм Миңнеханов республика Дәүләт Советына җиткергән еллык юлламасында хәбәр итте.
“Киләсе елга Идел буе дәүләтендә Ислам динен кабул итүнең 1100 ел тулуын билгеләп үтәчәкбез. Без Президентыбыз Владимир Путинга бу бәйрәмне федераль дәрәҗәдә уздырырга мөмкинлек биргәне өчен рәхмәтлебез”, – диде Рөстәм Миңнеханов, чараның Путин югарылыгында узачагын искәртеп.
Президент сүзләренчә, тантана кысаларында иң төп чараларның берсе — Казанда Җәмигъ мәчетен төзүне башлау булачак.
Лилия Локманова
