Бүген Казанга Төркмәнстан Президенты Гурбангулы Бердымухамедов килә. Ул Казан Кремлендә Татарстан Президенты Рөстәм Миңнеханов белән очрашачак. Бу турыда Татарстан Президенты матбугат хезмәте хәбәр итте.
Төркмәнстан Президентына республиканың сәнәгать потенциалын “Идея” технопаркы базасында оештырылган күргәзмәдә тәкъдим итәчәкләр. Бу хакта ТР Хөкүмәте йортында узган брифингта Президентның матбугат хезмәте җитәкчесе ярдәмчесе Лилия Галимова әйтте.
Гурбангулы Бердымухамедов Татарстан Президенты Киңәшчесе М.Шәймиев белән дә очрашыр дип көтелә.
