2024 елның 8-10 ноябрендә «Татарча диктант» бөтендөнья мәгариф акциясе уза.

Акциянең төп максаты – татар теленә һәм мәдәниятенә игътибарны җәлеп итү, бөтен дөньяда яшәүче татарларны берләштерү, тел белемен тикшерү, әдәби татар телен кулланучылар даирәсен киңәйтү һәм татар теленә мәхәббәт тәрбияләү. Быел «Татарча диктант» акциясе тугызынчы мәртәбә уздырыла.

Кичкетаң авыл китапханәсе дә бу акциягә кушылды. Теләге булган һәркем диктант язуда үз көчен сынап карый алды.
Акциядә катнашучыларга зур рәхмәтебезне белдерәбез.

Чыганак: vk.com