Бүген, 5 июльдә, Марий Эл Республикасы башкаласы Йошкар-Олада XXIV Федераль Сабантуй чаралары башланды. Милли бәйрәмгә Россия Федерациясенең төрле төбәкләреннән кунаклар һәм делегацияләр килде. Делегатларның берсе – Киров өлкәсеннән Гөлсинә Исламова. Гөлсинә Исламова мондый чаралар уздыруның мөһимлеген билгеләп үтте
-Мондый чаралар безнең өчен бик кирәк. Шушындый матур бәйрәмнәрдә йөреп кайткач, үзебезнең якларда да җир җимертеп эшлисе килә башлый, – дип сөйләде ул.
Шулай ук Гөлсинә ханым Киров өлкәсендә дә Сабантуйлар оештырылганын әйтте һәм милли бәйрәмнәрне үткәрергә ярдәм иткән өчен, Бөтендөнья татар конгрессына зур рәхмәтләрен җиткерде.
