Бөтендөнья татар конгрессы кунакта Забайкалье краеның һәм Чита шәһәренең мөфтие Ришат хәзрәт Сәйдәшев булып китте. Ул бу килүендә Бөтендөнья татар конгрессы рәисе урынбасары Марс Тукаев белән очрашты.

Ришат әфәнде үзе Чувашиянең Шыгырдан авылыннан. Россия Мөфтиләр Шурасы рәисе Равил Гайнетдиннең указы нигезендә билгеләнә һәм 3 ел инде Читада ислам динен тарату белән шөгылләнә.

Бүгенге көндә Читада 100 еллык мәчет эшли. Яңа гына мәдрәсә дә ачканнар.