Бүген, 24нче август көнне, Кукмара мөхтәсибәтендә мөһим рухи-мәдәни вакыйга — “IX Мәчкәрә укулары” төбәкара фәнни-гамәли конференциясе уза. Ел саен үткәрелүче бу чара, традиция буенча, милләтебезнең тарихын, динебезнең үзенчәлекләрен, рухи мирасны өйрәнүгә һәм яшь буынга тапшыруга юнәлдерелгән.

Конференция алдыннан катнашучылар Мәчкәрә авылы зиратына барып, биредә җирләнгән мәрхүмнәр рухына дога кылдылар. Чарада Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев катнашты.

Әлеге изге җир татар халкының күренекле шәхесләрен үз куенына алган, һәм ул тарихыбыз өчен әһәмиятле урыннарның берсе булып тора.