20 март көнне Бөтендөнья татар конгрессы Башкарма комитеты рәисе Ринат Закиров җитәкчелегендәге делегация – Бюросы әгъзалары Финляндиягә сәфәргә кузгалды.

Алар арасында Разил Вәлиев( Казан), Алмаз Әминов (Арча), Дамир Исхаков (Казан), Алик Локманов (Башкортстан), Камәрия Хамидуллина (Казан), Рамис Сафин (Ульяновск), Фәрит Уразаев (Казан), Фәхретдин Канюкаев (Самара) һәм Бөтендөнья татар конгрессының Мәгълүмати аналитик Идарә җитәкчесе Гөлназ Шәйхи, “Халкым минем” тапшыруының авторы һәм алып баручысы Ләйсәнә Садретдинова да бар.

Иртәгә, 21 март көнне Хельсинки шәһәрендә күчмә утырыш узачак. Милләттәшләребез белән очрашулар көтә.