Казан федераль университетының татар журналистикасы буенча белем алучы яшьләре UNIVER TV каналы белән берлектә яңа форматта татарча программа булдыра. Тапшыру әлегә айга бер тапкыр 15-20 минут дәвамында чыгар дип планлаштырыла.
Биредә студентлар тормышыннан кызыклы яңалыклар, танылган шәхесләр белән очрашулар һ.б. турындагы тапшыру татар телендә барачак. Беренче чыгарылыш 1 ноябрьдә чыгар дип көтелә.
