Бертуган Роберт белән Рафаэль Нугаевларның инициативасы, спонсорлык ярдәме һәм халыкның уртак гамәлләре ярдәмендә Лямбирь авылында Большевистская урамының 1,7 километр озынлыктагы юл өлешен чокырлы ремонтлау үткәргәннәр.
Утыз тоннадан артык асфальт җәелгән. Ял көннәрендә, Лямбирь авылының Большевиклар урамында яшәүчеләр, кечесе – олысы бергәләп, юлның хәрәкәт итү өлешен ремонтлау белән шөгыльләнү өчен, яңадан бергә җыелганнар. Хәтта җиде яшьлек балалар да өлкәннәргә тырышып ярдәм иткәннәр: асфальт кисәкләрен себергәннәр.
Өлкәннәр исә ике бригадага бүленеп, бер-берсенә кара-каршы урамның ике ягыннан эшли башлаганнар. Беренче көнне, нигездә, әзерлек эшләре алып барылган, чүкеч белән асфальттагы чокырларны чистартканнар, фреза белән кискәннәр. Гомумән алганда, йөздән артык кеше эшләгән, берничәсен атап китәргә кирәк – Шамиль Абдулла улы Алукаев, Равиль Рашид улы Алукаев, Шамиль Сирук улы Биктеев, Камиль белән Шамиль Билял уллары Казаковлар, Владимир Алексеевич Потяйкин, Равиль Аббяс улы Салимов, Сергей Борисович Таратынов, Дамир Али улы Карников, Фарид Исхак улы Манеров һәм башкалар. Әмма катнашучыларның йөзесен дә санап бетереп булмый, берничәсе турында. Мәсәлән, Александр Викторович Казаков үз прицеплы машинасынасында техниканы – өч вибраторны, кул арбаларын алып килгән, асфальт ташыган. Бертуган Рафаэль белән Роберт Нугаевлар, үз хисабларына (400 мең сумга!) Лямбирда берьюлы дүрт урамга проект-смета документациясенә заказ биргәннәр; авыл территорияләрен төзекләндерү буенча федераль Программага керергә өметләнәләр. Дөрес, быел бу Программага кертелмәсә дә, мөгаен, ремонт киләсе елга Программа буенча башкарылачак.
Җәй көне авылда эш күп булуына карамастан, бу урам кешеләре тырышып, элекке өмәләрне яңартып (“по-мощь” кайбер якларда “ярдәм” диләр, бергәләп өйләр дә төзегәннәр), юлны төзәткәннәр: уртак тырышлык белән бик мөһим эшне – Большевиклар урамы территориясен төзекләндерү үткәрелә. Бу башка урамнарга, авылларга, районнарга да үрнәк алу өчен бик лаеклы эш. Бергә без көчле.
Н.ХӘЛИЛ әзерләде
