Бөтендөнья татар конгрессының эшен ТНВ-Планета каналы аша бөтен дөньяга яктыртып баручы “Халкым минем” тапшыруының авторы һәм алып баручысы Ләйсәнә Садретдинова Татарстан Республикасы Президенты Р.Н.Миңнеханов катнашында узган Съездның пленар утырышында чыгыш ясады.
-2005 елда Бөтендөнья татар конгрессы ярдәме белән “Халкым минем” диеп исемләнгән тапшыру эшләнде. Һәм ул 17 ел дәвамында, 400гә якын тапшыру белән эфирга чыкты.
Ләйсәнә Садретдинова Яңа Гасыр телеканалында “Татарлар” һәм “Халкым минем” тапшыруларының эшләп килгәне өчен Бөтендөнья татар конгрессына рәхмәтен белдерде.
