Бүген Ульяновск өлкә татар милли-мәдәни автономиясе Курск өлкәсенә ярдәм күрсәтү акциясенә кушылып анда ярдәмгә мохтаҗларга азык-төлек, шәхси гигиена әйберләрен өлкәнең «Кызыл хач»(«Красный крест») җәмгыятенә тапшырды. Ярдәм төштән соң Курск өлкәсенә юл алачак.

Өлкә губернаторы башлыгы урынбасары Александр Коробко төбәктәге татар милли оешмалары, мәчетләре һәм хәйрия фондларының һәр акциядә иң беренчеләрдән булып булышуларын әйтте һәм изге гамәлдә катнашучыларга рәхмәт белдерде.