Узган елның декабрь аенда Казанның «Идел» яшьләр үзәге территориясендә XVI «Максат» татар яшьләре лидеры мәктәбе форумы узды. Түбән Новгород өлкәсе татарларының милли-мәдәни автономиясе активисткасы буларак, әлеге файдалы һәм әһәмиятле форумда миңа да катнашу бәхете елмайды.
Татар яшьләре арасында лидерлык сыйфатларын һәм актив тормыш позициясен үстерүгә юнәлдерелгән “Максат” мәктәбе программасына ораторлык осталыгы, имидж һәм абруй буенча тренинглар, «Дәүләт» интерактив уены, татар халкының югары мәдәнияте турында лекцияләр, проект интенсивлары, шулай ук үз уңыш тарихлары белән уртаклашкан танылган кешеләр белән очрашулар кертелгән иде. Форум кысаларында, аның катнашучыларына яшьләр инициативасы турында булган «Идел: уңыш һәм мөмкинлекләр тарихы» исемле кыска метражлы мотивацион фильмның премьерасында булу бәхете дә елмайды.
«Максат» татар яшьләре лидеры мәктәбендә катнашу миңа күнекмә- ләремне үстерү генә түгел, фикердәшләр табу өчен дә менә дигән мөмкинлек.
Шушы форум, аның программасы һәм бу көннәрдә мине чолгап алган кешеләр ярдәмендә үзем өчен берничә мак сат куйдым. Аллаһы боерса, аларны киләчәктә үземне үстерү һәм автономия- безне алга илтүдә кулланачакмын, дип өметләнәм. Форсаттан файдаланып, «Идел» яшьләр үзәге каршындагы «Максат» татар лидеры мәктәбен оештыручыларга шундый кирәкле, күңелгә ятышлы һәм нәтиҗәле чара, ә үзебезнең татар автономиясенә анда бару мөмкинлеге тудырганнары өчен олы рәхмәтемне белдерәм. Ихластан Яңа ел белән котлап, һәркемгә якты көннәр, матур тор- мыш һәм барлык хыялларыгызның чынга ашуын телим!
Динара Юсипова
Түбән Новгород.
