2001 елдан Федераль Сабантуй Россиянең бер төбәгендә Татарстан белән берлектә үткәрелә, һәм 2024 елда бәйрәм үткәрү эстафетасы Марий-Эл республикасына күчте. Бәйрәм 5-6 июль көннәрендә узачак.
Программага Идел буе федераль округы төбәкләре катнашучылар белән ат спорты ярышлары, концерт программасы, милли көрәш кертелгән. Сабантуйда “Милли кухня”, “Китап ярминкәсе”, “Татар базары”, “Осталар шәһәре” һәм башка мәйданчыклар эшләячәк. Шулай ук бәйрәмдә парашютчы-спортчыларның күрсәтмә чыгышлары узачак.
