Исергәп авылында да хәрбиләр өчен маскировкалау челтәрләре үрә башладылар. Шушы көннәрдә әлеге изге эш авыл мәдәният йорты бинасында башланды. Махсус хәрби операция игълан ителгәннән соң ук, Исергәп авыл халкы бердәм булып гуманитар ярдәм җыюга үз өлешен кертә башлады.
– Әлеге челтәрлә дә хәрбиләрнең гомерләрен саклап калуга ярдәм итәчәк, – дип сөйләде Рәзифә Хәкимова. – Хәрбиләребез өчен матур теләкләр тели-тели әзерлибез. Бөтен ир-егетләр дә исән-сау кайтсыннар иде гаиләләренә.
Шулай ук мәдәният йорты бинасында акчалата ярдәм күрсәтергә теләүчеләр өчен пломбаланган махсус кап куелды.
Чыганак: bavly-tat.ru
