Мәскәү шәһәренең “Ак калфак” оешмасы җитәкчесе Наилә Фатехова һәм оешма вәкилләре Казанның Совет районында урнашкан 162 нче санлы “Чулпан” балалар бакчасы белән танышты.
Очрашу күп милләтле мохиттә балалар тәрбияләү алымнары, милләтләр дуслыгы темасына багышланды. Кунаклар балалар бакчасындагы татар кабинеты һәм аның эшчәнлеге белән танышты.
Очрашу нәтиҗәсе буларак, Наилә Фатехова Мәскәүдә дә әлеге балалар бакчасы үрнәге нигезендә “Татар кызчыгы” бәйгесе уздырырга ниятләүләрен әйтте.
