Көнчыгыш дәүләт музеенда Идел буе Болгар дәүләтендә ислам динен кабул итүгә 1100 ел тулуга багышланган «Мәскәү Коръәннәре» күргәзмәсе ачылды. Россия мөселманнары Диния нәзарәте шул турыда хәбәр итә.
Ачылу тантанасында Көнчыгыш музее генераль директоры, тарих фәннәре докторы Александр Седов сөйләде. Аның сүзләренчә, күргәзмәдә изге китапның Х-XIX гасырларга караган 40 уникаль исемлеге тәкъдим ителгән. Алар Коръәнне күчереп язу сәнгатенең Магрибтан Кашмирга кадәр, Идел буеннан Иранга кадәр, Һиндстаннан Дагыстанга кадәр үсеше турында сөйли. Экспозиция өчен Коръәннәрне Көнчыгыш музее, Мәрҗани фонды, Россия Милли китапханәсе, Көнчыгышны өйрәнү институты, МГИМО һәм МДУ фәнни китапханәләре, Россия Фәннәр академиясе архивы, Бөтенроссия чит ил әдәбияты дәүләт китапханәсе тәкъдим иткән.
«Экспозиция Коръән текстының килеп чыгышы, аның әһәмияте, тарихы һәм Коръән кулъязмаларының барлыкка килүе, шулай ук кулъязмаларның һәм традицияләрнең сәнгать үзенчәлекләре турында сөйли», – дип хәбәр итте Александр Седов.
Күргәзмә ачылышында РФ Диния нәзарәте рәисенең мәгариф һәм фән эшләре буенча урынбасары Ренат Исламов чыгыш ясады. Ул 1787 елда Мәскәү җәмигъ мәчетенең Ислам музеенда 1803 елгы «Казан басмасы» һәм Екатерина Коръәне кебек тарихи Коръәннәрне экспонатлаштыру тәҗрибәсе турында сөйләде.
«Мәскәү Коръәннәре» күргәзмәсе Көнчыгыш дәүләт музеенда 18 декабрьгә кадәр дәвам итәчәк.
