Милләт язмышы алар кулында. Монда хикмәт яшь санында гына түгел. 5-6 яшьлек әлеге егетләр инде хәзергедән “туган тел”, “татар” дигән сүзләрнең бар асылын аңлап, иңнәрендә җаваплылык тоеп үсәләр. Моны “Бәләкәч” балалар бакчасында үткән “Татар малае-2020” муниципаль бәйгесенең йомгаклау этабы дәлилләде.

Татар халкының милли гореф-гадәтләрен үсеп килүче буынга җиткерүне максат итеп куйган әлеге бәйгедә туган җиребезнең иң уңган, иң сәләтле егетләре катнашты.

Биектау районының “Ак калфак” һәм мәгариф бүлеге берлегендә оештырылган бәйге  якынлашып килүче Бөек Җиңүнең 75 еллыгын һәм ТАССР оешуга 100 ел тулуны да үз эченә алды.