«Милләт җыены» делегатлары җыенның тантаналы ачылышы алдыннан Бөтендөнья татар конгрессының 33 еллыгына багышланган фотокүргәзмә белән таныштылар. Күргәзмәдә 1992 елдан башлап бүгенге көнгә кадәр булган вакыйгаларны, Конгрессның иң зур проектларын һәм милләтне берләштерүдәге эшчәнлеген чагылдырган уникаль фотосурәтләр тәкъдим ителгән.
Фотокүргәзмә «Милләт җыены» делегатларына Конгресс тарихын яңача ачарга, татар халкының мәдәни һәм рухи тормышындагы әһәмиятле мизгелләрен кабаттан искә төшерергә мөмкинлек бирде.
