2019 елдан Россия Президенты В.В. Путин карары буенча гамәлгә ашырыла башлаган Милли проектлар бүген дә үз эшен дәвам итә.
ТР Икътисад министрлыгы хәбәр итүенчә, Татарстанда гына «Мәдәният» милли проекты кысаларында 14 музыка мәктәбенә 106 млн сумга уен коралы һәм җиһазлар алынган. Республика районнарында 8 авыл мәдәнияте йорты төзелү, Чаллы шәһәрендә Курчак театры бинасын төзекләндерү дә зур күрсәткеч булып тора.
2021 елда Татарстан хөкүмәте тарафыннан милли проектлар өчен 23 млрд күләмендә акча тотылачак дип күздә тотыла.
Шулай ук бу проект урта белем бирү һәм спорт мәктәпләренә, медицина һәм урманчылык учреждениеләренә яңа җиһазлар алырга мөмкинлек бирде.
Таңсылу Габидуллина
