Красноярск краена эш сәфәре кысаларында Татарстан Республикасы Премьер-министры урынбасары һәм Бөтендөнья татар конгрессы Милли Шурасы рәисе Васил Шәйхразыев Пировски муниципаль округының Долгово авылында булды.

Визит программасының төп нокталарыннан берсе Хәтер обелискына чәчәкләр салу булды. Бу символик гамәл азатлык һәм бәйсезлек өчен үз гомерләрен биргән кешеләрнең тарихына һәм хәтеренә хөрмәт күрсәтүне ассызыклады.

Визит кысаларында Долгово авылында урнашкан 110 еллык тарихи мәчеттә булдылар. Бу мәчет архитектура корылмасы генә түгел, ә татар халкының рухи тормышының мөһим үзәге дә булып тора. Васил Шәйхразыев җирле мәхәллә кешеләре белән очрашты, төбәктә татар җәмгыятенең мәдәни мирасын саклау һәм рухи тормышын үстерү мәсьәләләре буенча фикер алыштылар.