Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев эш сәфәре белән Кыргызстан Республикасының Бишкек шәһәрендә. Биредә ул Кыргызстан халкы Ассамблеясендә булды, анда Кыргызстан Республикасы Президенты киңәшчесе Медетбәк Букуев белән очрашты. Әңгәмә барышында милләтара татулыкны саклау, милли җәмгыятьләрнең мәдәни инициативаларына ярдәм итү һәм татар диаспорасының Кыргызстанның иҗтимагый тормышында катнашуы мәсьәләләре буенча фикер алыштылар. Әңгәмә җылы рухта узды