Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г.Шәйхразиев эш сәфәре белән Казахстанда. Аны Астана аэропортында Казахстанның татар-башкорт конгрессы җитәкчесе, Милл Шура рәисе урынбасары Тәүфыйкъ Әкрам улы Кәримов һәм оешманың яшьләр канаты булган “Таң” яшьләр-оешмасы кызлары-егетләре чәкчәкләр белән каршы алдылар.

Көннең икенче яртысында Васил Шәйхразиев Астана шәһәрендә “Казинформ” мәгълүмат агентлыгы эшчәнлеге, Астананың Дуслык йорты һәм “Таң” татар үзәге белән танышачак; Казахстан Республикасының атказанган сәнгать эшлеклесе Камил Муллашевның остаханәсе белән танышып, аның белән очрашу үткәрәчәк.