Минзәләдә 10 июль көнне «Ак калфак» оешмасы хатын-кызлары очрашып, “Тәрбия баскычлары” циклының икенче өлешен карап, фикер алыштылар.

Очрашуга район мәгариф бүлеге җитәкчесенең урынбасары, балалар бакчалары буенча баш белгеч Исхакова И.И., район мәдәният бүлеге җитәкчесе Хәкимова Э.Н., гимназия хезмәткәрләре чакырылган иде. Материалның бүгенге көндә бик актуаль булуы, аның яшь әти-әниләр өчен, бәби көткән гаиләләр өчен бик әһәмиятле икәнлеге билгеләп үтелде. Балалар бакчаларында тәрбиячеләр, әти-әниләр белән очрашу көннәре билгеләнде.